Petropavlda esirtki satýmen aınalysqan qylmysker ustaldy
PETROPAVL. QazAqparat - Petropavl qalasynyń polıtsııa qyzmetkerleri óz páterinde esirtki satyp kelgen qylmyskerdi ustady, dep habarlaıdy «QazAqparat» HAA tilshisi.
Petropavl qalasynyń ІІB esirtkimen kúres bóliminiń qyzmetkerleri 55 jastaǵy turǵynyn ustady, ol óz páterinde esirtki satyp kelgen.
«Ustalǵan kúdikti 30 jyl ómirin túrmede ótkizgen. Túrmede múlikti urlaý qylmystary úshin otyrǵan. Kúdikti turatyn úıdiń basqa turǵyndary sońǵy ýaqyttarda belgisiz adamdardyń jıi keletindigine, kireberiste shprıtster jatatynyna baılanysty polıtsııaǵa shaǵym túsirgen. Tekserý barysynda arnaıy tekserý qyzmetkerleri páterden esirtki zattaryn tapty. Saraptama onyń geroın ekenin anyqtady», - dedi SQO ІІD baspasóz qyzmeti.
Qylmysker úıde egde anasynyń baryna qaramastan, ony esirtki tutyný alańyna aınaldyrǵan.
