Petropavlda Esil ózeniniń sýy kóterilip jatyr
PETROPAVL. QazAqparat – Petropavlda Esil ózeniniń sýy kóterilip jatyr, bir táýlikte taǵy myńnan astam saıajaı ýchaskesin sý basty, dep habarlaıdy QazAqparat tilshisi.
«Qazgıdromet» RMK SQOF málimetinshe, bir táýlikte Esil ózeniniń sý deńgeıi 14 sm kóterilip, qaýipti deńgeı – 1050 sm asyp ketti. Tańerteńgi saǵat 8.00 málimet boıynsha búginde 1054 sm jetken.
Úsh kún buryn sýdyń basýyna oraı «Chelıabi-Novosibir» baǵytyndaǵy halyqaralyq mańyzdaǵy joldyń 528 km jabyldy. Keshe sý Zarechnyı kentindegi Balyq tálimjaıyna aparatyn joldyń ústine shyqty. Budan basqa Zarechnyı, Teplıchnyı kentterindegi saıajaı ýchaskeleriniń 3357-si sý astynda qaldy.
«Qazirgi ýaqytta Sergeev sý qoımasynan Túmen oblysynyń shekarasyna deıin Esil ózeni sý deńgeıiniń kóterilýine monıtorıng júrgizilýde. 18 eldi mekendi sý basady dep qaýiptengen edik, ol qaýip seıildi. Esil ózeniniń alqabynda ornalasqan Teplıchnoe, Bogolıýbovo, Semıpalatnoe jáne Sokolovka eldi mekenderiniń mańynda jer úıindileri qoıylyp, sýdyń jolyn bógedik. Qazir mundaı jumystar Petropavl qalasyndaǵy Zarechnyı kentiniń shetkeri kóshelerinde júrgizilip jatyr», - deıdi SQO Tótenshe jaǵdaılar departamenti bastyǵy Ramıl Kamalov.
Mamandardyń aıtýynsha, Esil ózeniniń tasýy búgin-erteń sharyqtaý shegine jetpek.
