Petropavlda Esil ózeniniń sýy qaıta bastady
PETROPAVL. QazAqparat – Petropavlda búgin Esil ózeni sýynyń deńgeıi túse bastady, dep habarlaıdy QazAqparat tilshisi.
«Qazgıdromet» RMK Soltústik Qazaqstan oblystyq fılıalynyń málimetinshe, 30 sáýir kúni saǵat 8.00-de Esil ózeniniń Petropavl qalasyndaǵy gıdrotorabynda sýdyń maksımaldy deńgeıi tirkeldi. Esil ózeni 1017 sm deıin kóterildi. Tórt saǵattan keıin ol 2 sm-ge tústi. ıAǵnı oblys ortalyǵynda sý tasqyny sharyqtaý sheginen ótti.
Mamandardyń aıtýynsha, qazir Toqsan bı aýylynyń mańynda Esil ózeniniń deńgeıi aqyryndap kóterilip jatyr. Bir táýliktegi ózgeris 8 sm. Biraq odan keler qaýip joq. Al Dolmatovo eldi mekeni janynda Esil ózeniniń sý deńgeıi 10 sm-ge kóterilgen.
Oblystyń shaǵyn ózenderinde de sý qaıtyp jatyr. Sergeev sý qoımasynda sýdyń asyp tógilýi – 48 sm, bir táýlikte ózgermegen.
Úlken Torańǵul kólinde de sý deńgeıi túsip jatyr, bir táýliktegi ózgeris 1 sm quraıdy.
