Petropavlda Esil ózeninde sý deńgeıi túse bastady

PETROPAVL. QazAqparat – Petropavlda Esil sýy qaıta bastady. Bıyl ózenniń sýy qaýipti mejege jetpegenimen, 685 saıajaı ýchaskesin jáne birneshe joldy sý shaıdy, dep habarlaıdy QazAqparat tilshisi.

«Qazgıdromet» RMK SQO fılıalynyń málimetinshe, Petropavl mańynda deńgeıi birneshe kún boıy bir mejede turǵan Esil ózeniniń sýy qaıta bastady.

Ótken táýlikte gıdrologııalyq bekette kórsetkish 4 sm ózgerdi. Bıyl ózenniń tasýy qaýipti meje 1050 sm jetken joq, 1016 sm deıin ǵana kóterildi.

Esil ózeniniń deńgeıi Pokrovka eldi mekeni mańynda 20 sm-ge tústi, Novonıkolskoe eldi mekeni mańynda 24 sm azaıdy.

Al Toqsan bı aýylynyń mańyndaǵy gıdrologııalyq bekette Esil ózeni deńgeıiniń kerisinshe 4 sm, al Sergeevka qalasy mańynda 16 sm, Sergeev sý qoımasynda 10 sm kóterilgeni tirkeldi.

Gıdrologtardyń aıtýynsha, buǵan Aqmola oblysynan kelgen sý sebep.

Qazirgi ýaqytta Sergeev bógeniniń erneýinen asyp tógilý deńgeıi 75 sm. Ózen-kólder muzdan tazardy.

Soltústik Qazaqstan oblysy Tótenshe jaǵdaılar departamenti baspasóz qyzmetiniń málimetinshe, «Chelıabi-Novosibir» halyqaralyq mańyzy bar avtojolynyń 528 km áli de sýda jatyr.

Sondaı-aq bıyl Petropavl mańynda ornalasqan 685 saıajaı ýchaskesine sý kirdi.