Petropavlda er adam bes qabatty úıdiń shatyrynan sekirip sýıtsıd jasady

PETROPAVL. KAZINFORM — Petropavlda 43 jastaǵy er adam kópqabatty úıdiń tóbesinen sekirip ketip, ózine qol jumsady. Qazirgi ýaqytta osy oqıǵaǵa baılanysty sotqa deıingi tergeý júrip jatyr.

Soltústik Qazaqstan oblysy polıtsııa departamenti baspasóz qyzmetiniń málimetinshe, oqıǵa 11 shilde kúni bolǵan.

Petropavldaǵy Ýnıversalnaıa kóshesinde salynyp jatqan bes qabatty turǵyn úıdiń shatyrynan er adamnyń sekirip ketkendigi jáne alǵan jaraqatynan kóz jumǵany týraly jedel arnaǵa habar tústi. 

«Osy fakti boıynsha qylmystyq is qozǵaldy. Іstiń barlyq mán-jaıyn jan-jaqty, tolyq jáne obektıvti zerdeleýge baǵyttalǵan tergeý áreketteri júrgizilip jatyr, olardyń nátıjesi boıynsha túpkilikti protsestik sheshim qabyldanady», — dedi baspasóz qyzmetinen. 

Buǵan deıin Aqtóbe turǵynynyń alaıaqqa senip, 19 mln teńgesinen aıyrylǵanyn jazǵan edik.