Petropavlda er adamdy kólik qaǵyp, mert qyldy
PETROPAVL. QazAqparat - Petropavlda er adamdy jeńil kólik qaǵyp, mert qyldy, dep habarlaıdy QazAqparat tilshisi.
Soltústik Qazaqstan oblystyq ІІD baspasóz qyzmetiniń aqparaty boıynsha, jol apaty Jambyl kóshesiniń boıynda keshki saǵat toǵyzdar shamasynda bolǵan.
«63 jastaǵy «Kia Sorento» júrgizýshisi joldy kesip ótpek bolǵan jaıaý júrginshini qaǵyp ketken. Zardap shegýshi alǵan jaraqaty saldarynan oqıǵa ornynda kóz jumdy», - dep túsindirdi baspasóz qyzmetinen.
«Kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy» qylmystyq baby boıynsha sotqa deıingi tergeý júrip jatyr. Birqatar saraptama taǵaıyndaldy.
