Petropavlda er adam óz úıinde órtenip ketti
PETROPAVL. QazAqparat – Petropavlda órtengen úıden er adamnyń denesi tabyldy. dep habarlaıdy «QazAqparat» HAA tilshisi.
Soltústik Qazaqstan oblysy Tótenshe jaǵdaılar departamentiniń baspasóz qyzmetiniń málimetinshe, órt Fevralskıı kóshesindegi birqabatty úıde bolǵan.
«Órt sóndirýshiler kelgen kezde bir qabatty úıdiń shatyry perımetr boıynsha túgeldeı tútinge oranǵanyn anyqtady. Úıdiń qabyrǵalary men tóbesi janyp jatqan. Jalyndy sóndirý kezinde 62 jastaǵy úı ıesiniń jansyz denesi tabyldy», - dedi baspasóz qyzmetiniń ókili.
Qazirgi tańda tilsiz jaýdyń shyǵý sebebi men materıaldyq shyǵynynyń kólemi anyqtalýda.
Jyl basynan beri óńirde órttiń saldarynan 24 adam kóz jumǵan, olardyń ishinde bir bala bar. 14 adam, sonyń ishinde 3 bala, jaraqat alǵan. 34 adam qutqaryldy.
