Petropavlda er adam bir jasar qyzyn terezeden laqtyrmaq bolǵan

Petropavlda áıelimen janjaldasyp qalǵan soń bir jasar balasyn terezeden laqtyrmaq bolǵan er adam ustaldy, dep habarlaıdy QR ІІM baspasóz qyzmeti. 

20 qyrkúıek kúni saǵat 17:49 shamasynda Petropavl qalasynda "PB Maıakovskogo, 93" mekenjaıynda ornalasqan jataqhananyń 5-qabatyndaǵy bólmede tóbeles bolyp jatqany týraly habarlama túsken.

Oqıǵa ornyna kelgen polıtseıler bólmeniń ishinde esikti qulyptap alǵan jáne náresteni terezeden laqtyryp jiberemin dep qorqytqan er adam bar ekenin anyqtady. Jataqhananyń janyna ýchaskelik polıtsııa ınspektorlary, TJD, medıtsına qyzmetkerleri keldi.

TJD qyzmetkeri ózin shatyrǵa baılap, tereze arqyly ishke endi. Er adamdy edenge qulatyp, esikti ashqan soń ishke SQO PD JQAJ qyzmetkerleri kirip, bólmeniń ıesin qolǵa túsirdi.
2023 jyly týǵan qyz bala, aldyn ala málimet boıynsha, zardap shekpedi. Náreste medıtsına qyzmetkerlerine berildi.

Ustalǵan azamat — SQO-nyń 23 jastaǵy turǵyny, ózi masań kúıde bolǵan. Birge turyp jatqan 21 jastaǵy áıeli ekeýi janjaldasyp qalǵan. Er adam ortaq kishkentaı náresteni terezeden laqtyramyn dep qorqytqan.

Sotqa deıingi tergeý júrgizilýde, oqıǵanyń mán-jaıy anyqtalyp jatyr.