Petropavlda epılepsııasy bar er adam 2,5 aıdan beri tabylmaı jatyr

PETROPAVL. QazAqparat – Petropavlda epılepsııamen aýyratyn 56 jastaǵy er adam 15 maýsymnan beri habarsyz. Sergeı Tatarnıkov saıajaı qoǵamynan belgisiz jaqqa shyǵyp ketken. Sondaı-aq, eki aptaǵa jýyq ýaqyttan beri 43 jastaǵy Alekseı Kovtýn da tabylmaı jatyr, dep habarlaıdy QazAqparat tilshisi.

Sergeı Tatarnıkov Petropavl turǵyny, 1967 jyly týǵan. 15 maýsym kúni ol Petropavl mańyndaǵy Cheremýshkı saıajaı qoǵamynan ketip qalǵan. Boıy 160-162 sm shamasynda, ortasha deneli, qysqa shashty, basynyń tyrtyǵy jáne keýdesinde tatý sýreti bar. Sol kúni ústinde sur torly jeıde, sur shalbar jáne kók tústi aıaq kıim bolǵan. 2,5 aıdan beri tabylmaı jatqan er adam ustama aýrýymen aýyrady.

Al, 43 jastaǵy Alekseı Aleksandrovıch Kovtýn 27 shilde kúni Petropavldaǵy Jambyl kóshesindegi úıinen túske taman shyǵyp ketken. Sodan beri er adamnan habar joq. Boıy 168 sm, dene bitimi ortasha kelgen, qysqa shashty, sur kózdi, basynda tyrtyǵy bar. Ústinde hakı tústes fýtbolka, qyzyl jolaǵy bar qara shorty jáne sur krossovkı bolǵan.

Іzdeý jarııalanǵan adamdar jaıynda kórgen-bilgender bolsa, 8 747 628 35 51 nemese 8 926 626 64 33 jáne 102 nómirine habarlasa alady.