Petropavlda ekstremaldy taý shańǵy kesheni óz jumysyn bastady
Ekstremaldy park Petropavldaǵy 20-yqshamaýdanda byltyr qysta ashylǵan bolatyn. Biraq, qardyń az bolýynan durys jumys istegen joq. Ári taý shańǵy sporty - petropavldyqtar úshin ázirge tańsyq. Oqytý-jattyǵý maqsatynda salynǵandyqtan, jol burylystarsyz bolady. Uzyndyǵy - 300 metr. Shańǵymen tómen syrǵanap, arqan arqyly avtomatty túrde joǵaryǵa kóterilýge múmkindik bar.
«Tuńǵysh Prezıdent kúnine oraı qala turǵyndaryna jaqsy syı boldy. Taý shańǵy sporty - Elbasynyń súıikti sport túrleriniń biri. Meniń oıymsha, osy bir jaqsy is basqalarǵa úlgi bolady. Bul - tek bastamasy, oblysymyzda taý shańǵy sportyn áli damytatyn bolamyz»,- deıdi SQO ákiminiń orynbasary Madııar Qojahmet.
Merekege oraı búgin taý shańǵy kesheni tegin jumys istedi. Al, jalpy munda sársenbi jáne jeksenbi kúnderi aralyǵynda keshki jetige deıin syrǵanaýǵa bolady. Saǵaty - 1,5-2 myń teńge. 30 shaqty shańǵy jáne 15 snoýbord jalǵa beriledi. Sondaı-aq, bıyl keshen negizinde taý shańǵy mektebi ashylmaq. Aldaǵy ýaqytta balalar men eresekterge arnalǵan snoýtıýbıng joly da salynady.
