Petropavlda eki jigit kásiporynnan jarty mln teńgeniń mys symyn urlaǵan
Soltústik Qazaqstan oblysy polıtsııa departamenti baspasóz qyzmetiniń málimetinshe, polıtsııaǵa Petropavldaǵy jaýapkershiligi shekteýli seriktestikterdiń birinen joǵarǵy qýatty 30 metr kabeldiń joǵalǵany týraly habarlama kelip túsken. Keltirilgen shyǵyn 500 myń teńgeni quraǵan.
Jedel-izdestirý is-sharalary barysynda krımınaldyq polıtsııa qyzmetkerleri oblys ortalyǵynyń 19 ben 20 jastaǵy eki turǵynyn anyqtaǵan. Olardyń bireýi kórshi kásiporynda jumys istegen. Jigittiń aıtýynsha, kúnde jumysqa bara jatqanda jolda kózine únemi kabel túsken. Ustalǵandar urlanǵan kabeldi plastık qabynan tazartý úshin otqa kúıdirgen. Mysty metall qabyldaý ornyna 27 myń teńgege tapsyrypty. Atalǵan fakti «Urlyq» baby boıynsha Sotqa deıingi tergep-tekserýlerdiń biryńǵaı tizilimine engizildi.
«Kabel - urylar úshin ońaı olja. Tek naýryz aıynda ǵana kabel urlaýdyń tórt faktisi tirkeldi. Onyń úsheýi ashylyp, bireýi boıynsha jedel-izdestirý is-sharasy ótkizilip jatyr. Qaskóıler úshin az ǵana tabys bolǵanymen, kásiporyndarǵa bul aıtarlyqtaı shyǵyn. Kásipkerler dúnıesine salǵyrt qaramaýlary kerek. Kóp jaǵdaıda kúzettiń durys uıymdastyrylmaýy qylmysqa ákeledi», - deıdi SQO PD krımınaldyq polıtsııa basqarmasy bastyǵynyń orynbasary Marat Jumalıev.