Petropavlda eki jaıaý júrginshini kólik qaqty
PETROPAVL. QazAqparat – Petropavlda jaıaý júrginshiler jolaǵynda bir táýlikte 2 jol apaty boldy, dep habarlaıdy QazAqparat tilshisi.
SQO Polıtsııa departamenti baspasóz qyzmetiniń málimetinshe, 31 qazan kúni keshki saǵat 18.20-da Qazaqstan Konstıtýtsııasy men Pýshkın kósheleriniń qıylysynda jol-kólik apaty boldy. «VAZ» mashınasy belgilengen jerden ótip bara jatqan 15 jasar jasóspirimdi qaǵyp ketken. Zardap shegýshi aýrýhanaǵa jetkizilip, em-dom alǵannan keıin úıine jiberildi.
Búgin tańǵy 7.00 shamasynda 48 jastaǵy áıeldi kólik soqty. «Kia Sorento» avtomobıli ony N.Nazarbaev jáne K.Sútishev kósheleriniń qıylysyndaǵy jaıaý ótpe jolda qaqqan. Saldarynan petropavldyq áıel dene jaraqatyn aldy.
Eki oqıǵa da qarańǵy mezgilde bolǵan. Sol sebepti tártip saqshylary júrgizýshilerge saq bolýdy eskertedi.
«Qubylmaly aýa raıy júrginshilerge de, kólik júrgizýshilerine de qolaısyz jaǵdaı týdyrady. Sol sebepti saqtyq sharalaryn kúsheıtýleri kerek. Sondaı-aq kólik dońǵalaqtaryn jyl mezgiline saı ýaqtyly aýystyrý qajettigin eske salamyz. Ol da jol-kólik oqıǵalaryna sebep bolyp jatady», - deıdi SQO PD jergilikti polıtsııa qyzmeti basqarmasynyń bastyǵy Aıdyn Baımatov.
Tártip saqshylary 1 jeltoqsannan bastap qysqy dońǵalaqsyz jol júrýge tyıym salynatynyn eskertedi. Bul talapty eskermegenderge ákimshilik jaza qarastyrylǵan. ıAǵnı 12 myń teńgege deıin aıyppul salynady.
