Petropavlda eki kúnge sý berý toqtatylady
Petropavldy sýmen qamtıtyn «Qyzyljar sý» JShS sýmen jabdyqtaý jelicin dezınfektsııalaý jáne jýyp-shaıý úshin 18-19 qyrkúıek kúnderi sý berýdi toqtatpaq. Bul dástúrli profılaktıkalyq jumys, osy ýaqytta qubyrdan nemese syrttaǵy sý qudyǵynan sýdy alyp paıdalanýǵa jáne tamaq ázirleýge tyıym salynady.
«Esil ózeninde jazda sý temperatýrasy kóterilip, sý qoımasynda mıkrobıologııa kórsetkishteri ósedi, saldarynan sýdyń sapasy nasharlaıdy. Bul máseleni sheshý úshin biz sý qubyry jelilerin jýyp-shaıyp, zararsyzdandyramyz. Sý berýdi senbi 18 qyrkúıek kúni saǵat 00.00-de toqtatýdy josparladyq. Al dezınfektsııa men jýyp-shaıýdy sol kúni saǵat 22.00-de bastaımyz. Sol sebepti aldyn ala jetkilikti mólsherde sý quıyp alýdy suraımyz. Óıtkeni bul kezde krannyń sýyn paıdalanýǵa bolmaıdy. Ýaqytsha yńǵaısyzdyq úshin keshirim suraımyn jáne oǵan túsinistikpen qarańyzdar», - dep jazdy jelidegi paraqshasynda «Qyzyljar Sý» JShS bas dırektory Jeńis Sultanov.
