Petropavlda eki kólik soqtyǵysyp, úsh adam jaraqattandy

PETROPAVL. QazAqparat – Petropavlda eki kólik soqtyǵysyp, túrli jaraqat alǵan júrgizýshiler jáne bir jolaýshy emdeý mekemelerine jetkizildi, dep habarlaıdy QazAqparat tilshisi.

Oqıǵa ornynan vıdeo áleýmettik jelide, jergilikti pablıkterde tarady. Qatty soqqydan kólikterdiń aıtarlyqtaı zaqymdanǵanyn kórýge bolady.

«10 jeltoqsan saǵat 8.34-te «102» jedel arnasyna Petropavldaǵy Jambyl-Internatsıonal kósheleriniń qıylysynda «Subaru Forester» jáne «VAZ 21140» kólikteriniń soqtyǵysqany týraly habarlama tústi. Oqıǵa ornyna jedel járdem qyzmeti shaqyryldy. Eki kóliktiń júrgizýshisi jáne «VAZ 21140» kóliginde bolǵan jolaýshy túrli jaraqat alyp, emdeý mekemelerine jetkizildi.

Osy fakti boıynsha jınalǵan materıal Petropavl qalalyq polıtsııa basqarmasynyń ákimshilik polıtsııa bólimine jiberildi», - delingen Soltústik Qazaqstan oblystyq Polıtsııa departamenti baspasóz qyzmetiniń málimetinde.