Petropavlda eki qabatty úıdiń 10 sharshy metrlik qabyrǵasy qulady
ASTANA. QazAqparat - 21 sáýir kúni saǵat 15:00-de Soltústik Qazaqstan oblysynyń TJD jedel kezekshilik qyzmetine Petropavl qalasyndaǵy Ýralskaıa kóshesinde shlakobloktan salynǵan 2 qabatty 8 páterli úıdiń qabyrǵasy qulap ketkeni jóninde málimet túsken, dep habarlaıdy QazAqparat.
Oblystyq TJD Jedel áreket toby oqıǵa ornyna birden keldi. Tótenshe jaǵdaı kezinde úıdegi 3 páterde 8 adam bolǵan, (qalǵan 5 páterde eshkim turmaıdy) olardyń ishinde 2 bala bar. Adamdar ǵımarattan qaýipsiz jerge kóshirilip, qos qabatty úı qorshaýǵa alyndy.
Oqıǵadan eshkim zardap shekken joq, qulaǵan qabyrǵanyń jalpy aýdany 10 sharshy metr.
Tótenshe jaǵdaı ornynda SQO TJD basshylyǵy, Petropavl qalasynyń ákimi, jergilikti quqyqorǵaý jáne atqarýshy organdardyń ókilderi boldy. Petropavl qalasy ákimdiginiń sheshimine sáıkes, úıdiń 3 páterinde turatyn 13 adam ýaqytsha baspanamen qamtamasyz etiletin boldy.
