Petropavlda eki qabatty turǵyn úı qora-qopsy, monshasymen janyp ketti
PETROPAVL. QazAqparat – Petropavlda aǵashtan salynǵan eki qabatty úıden órt shyǵyp, ǵımarat qasyndaǵy qora-qopsy, monshasymen tolyq janyp ketti, dep habarlaıdy QazAqparat tilshisi.
Soltústik Qazaqstan oblysy tótenshe jaǵdaılar departamenti baspasóz qyzmetiniń málimetinshe, 11 qyrkúıek kúni saǵat 11.00-ler shamasynda Petropavldaǵy Moskovskaıa, 68 kóshesindegi úıden órt shyqqan.
Oqıǵa ornyna 12 arnaıy tehnıka men 62 órt sóndirýshi jiberildi. Mamandar kelgen kezde eki qabatty aǵash úıden shyqqan jalyn qasyndaǵy qora-qopsy men monshaǵa taralyp úlgergen eken. Otqa oranǵan ǵımarattan 3 gaz ballony shyǵaryldy.
Іri órt tek eki saǵattan keıin ǵana tolyǵymen sóndirildi. Alaıda aǵash úı de, onyń qasyndaǵy sharýashylyq nysandary da tolyq janyp ketti.
Mamandardyń aıtýynsha, qaza tapqandar jáne zardap shekkender joq. Órttiń shyǵý sebebi men kelgen shyǵyn mólsheri anyqtalatyn bolady.
