Petropavlda eki er adam bir aptadan beri izdestirilip jatyr
PETROPAVL. QazAqparat – Petropavlda úılerinen belgisiz jaqqa shyǵyp ketip, qaıta oralmaǵan 59 jáne 34 jastaǵy eki er adam izdestirilip jatyr, dep habarlaıdy QazAqparat tilshisi.
Soltústik Qazaqstan oblysy Polıtsııa departamenti baspasóz qyzmetiniń málimetinshe, Petropavl qalasynyń 59 jastaǵy turǵyny Rıfkat Leonıdovıch Alımov 9 kúnnen beri tabylmaı jatyr. Ol úıinen ketip, qaıtyp oralmaǵan.
Týǵan-týystarynyń aıtýynsha, boıy shamamen 175 sm, aq shashty, saqaly bar. Kók kózdi, sol jaq betinde tyrtyǵy bar. Oń jaq qolynda shyntaǵyna deıin kúıiktiń orny qalǵan.
Sol kúni basynda qara bas kıim, ústinde qara tústi pıdjak, sur fýtbolka, kók djınsy shalbar bolǵan.
Sol kúni qalalyq polıtsııaǵa Petropavldyń 34 jastaǵy turǵyny ıÝrıı Vıktorovıch Molchanovtyń joǵalǵany týraly aryz tústi.
Jigittiń boıy shamamen 170 sm, shashy qara-sur kelgen, kók kózdi, qyr muryndy. Ústinde kók qysqa shalbar, qoıý kók tústi fýtbolka jáne aq krossovkı bolǵan.
«Joǵalǵandar tek Petropavlda ǵana emes, oblystyń jaqyn mańdaǵy aýdandarynda da izdestirilip jatyr. Polıtseılerden basqa volonterler, qoǵam belsendileri jumyldyryldy. Er adamdardy tanýǵa kómektesetin baǵdarlar polıtsııanyń barlyq bólimshelerine jóneltildi, sondaı-aq áleýmettik jelide jarııalandy. Bul adamdar jaıly kórgen-bilgender bolsa 8-(7152) 49-39-49, 49-30-74, 8-747-559-70-71 nómirlerine nemese «102» nómirine habarlasýǵa bolady», - deıdi Petropavl qalalyq polıtsııa basqarmasynyń bastyǵy Jandos Muqatov.
Jalpy jyl basynan SQO PD adamdardyń habarsyz ketýine baılanysty 275 aryz tústi, olardyń 270-i tabyldy.
