Petropavlda eki balada koronavırýs ınfektsııasy anyqtaldy
PETROPAVL. QazAqparat – Petropavlda qaýipti indetti juqtyrǵandardyń beseýi naýqastarmen buǵan deıin baılanysta bolǵandar, dep habarlaıdy QazAqparat tilshisi.
Shuǵyl shtabtyń málimetinshe, PTR dıagnostıkalyq zertteýlerdiń nátıjeleri boıynsha COVID-19 dıagnozy 1981, 1960 jyldary týǵan áıelderde, 1985, 1986, 1958 jyldary týǵan er adamdarda jáne 14 jasqa deıingi 2 balada rastaldy.
Barlyq naýqastar Petropavl qalasynyń turǵyndary. Bes adam zerthanalyq synamany buryn tirkelgen koronavırýs syrqattarmen baılanysta bolǵandyqtan tapsyrdy. Taǵy ekeýi aýyryp, densaýlyǵyna shaǵymdanyp medıtsınalyq mekemege júgingen. Barlyǵy Petropavl qalalyq aýrýhanasynyń juqpaly aýrýlar bólimine jatqyzyldy.
Olar qazir tıisti em alyp jatyr. Mamandardyń aıtýynsha, aýrý oshaqtarynda dezınfektsııalyq jumystar júrgizilýde.
Jalpy 9 maýsymdaǵy jaǵdaı boıynsha SQO-da koronavırýs ınfektsııasymen 72 adam tirkelgen, olardyń 48-i emdelip shyqty.
Eske sala ketsek, Petropavldaǵy balabaqsha tárbıelenýshisinde koronavırýs ınfektsııasy anyqtalyp, mektepke deıingi bilim berý mekemesiniń karantınge jabylǵan edi.
