Petropavlda eki adam qudyq tazalap ýlanǵan, bireýiniń jaǵdaıy aýyr
PETROPAVL. QazAqparat – Petropavlda eki adam qudyq tazalap júrip býǵa ýlanǵan. Qazir jumysshynyń biri ókpeni jasandy jeldetý apparatyna qosyldy, dep habarlaıdy QazAqparat tilshisi.
31 tamyz kúni Petropavldaǵy Jambyl kóshesindegi qurylys nysandarynyń biriniń janyndaǵy qudyqty tazalaǵan úsh adam býǵa ýlandy. Qalalyq polıtsııa qyzmetkerleri, jedel járdem qyzmeti kelgenge deıin 2002 jyly týǵan jigit sol jerde qaıtys boldy. Al 1994 jáne 2004 jylǵy eki jumysshy aýyr halde oblys ortalyǵynyń medıtsınalyq mekemesine jatqyzyldy.
Soltústik Qazaqstan oblysy densaýlyq saqtaý basqarmasy baspasóz qyzmetiniń málimetinshe, zardap shekkenderdiń ekeýi de aman. 18 jastaǵy jigit Petropavl qalalyq kópsalaly aýrýhanasynda em alyp jatyr. Esin jınady, jaǵdaıy jaqsaryp keledi.
28 jastaǵy ekinshisiniń hali nashar, oblystyq kópsalaly aýrýhananyń jansaqtaý bólimshesinde jatyr. Ol ókpeni jasandy jeldetý apparatyna qosyldy. Komaǵa tústi. Mamandardyń aıtýynsha, qazir qandaı da bir boljam jasaýǵa erte.
Osy oqıǵaǵa qatysty qazir quqyq qorǵaý organdary tergeý júrgizip jatyr.
Al jumys ornynda oqys oqıǵaǵa jol bergen merdiger uıymdardyń óndiristik qaýipsizdik talaptaryn saqtaý boıynsha kinási anyqtalady.
