Petropavlda djıp jardan ózenge qulap ketti
PETROPAVL. QazAqparat - Áleýmettik jeli paıdalanýshylary búgin avtomobıl qorshaýdy buzyp, bóget tusynda Esil ózenine túsip ketkeni týraly vıdeo jarııalady, dep habarlady «QazAqparat» HAA tilshisi.
Soltústik Qazaqstan oblystyq ІІD-de 1 tamyzda túngi ekiler shamasynda polıtsııaǵa Petropavl gıdrotorabyna jaqyn jerde jardan Esil ózenine kólik qulap ketkeni týraly habarlama túskenin rastady. Oqıǵa ornyna Petropavl qalasy polıtsııa bóliminiń 1 tergeý-jedel tobynyń qyzmetkerleri barǵan.
«Anyqtaý barysynda Honda CR-V markaly kólik túngi ýaqytta jóndeý jumystaryn júrgizip jatqan elektrıkterdiń birine tıesili ekeni belgili boldy. Jumys istep jatyp olar toqtap turǵan kóliktiń ózdiginen ózen jaqqa jyljyp bara jatqanyn baıqaıdy. Olar júgirip baryp, toqtatýǵa úlgermeı qalǵan. Saldarynan kólik qorshaýdy buzyp, ózenge qulap ketken. Kelesi kúni zaqymdanǵan kólikti sýdan alyp shyqty», - dedi oblystyq ІІD-niń baspasóz qyzmeti.
