Petropavlda dopty hokkeıden QR kýbogy ótti
PETROPAVL. QazAqparat - Petropavl qalasynda dopty hokkeıden ataqty bapker Qazbek Baıbolovty eske alýǵa arnalǵan QR kýbogy jarysynda BQO quramasy jeńimpaz atandy, dep habarlaıdy QazAqparat tilshisi.
BQO dene shynyqtyrý jáne sport basqarmasynyń baspasóz qyzmetinen túsken málimetke qaraǵanda, dástúrli týrnırge Astana qalasy, Aqtóbe, Shyǵys Qazaqstan, Soltústik Qazaqstan jáne Batys Qazaqstan oblystarynan bes komanda qatysyp, 100-ge tarta hokkeıshi óner kórsetti.
Jarys qorytyndysynda «Aqjaıyq» dopty hokkeı klýbynyń jigitteri jeńimpaz atandy. Aqtóbelikter ekinshi, shyǵysqazaqstandyqtar úshinshi orynǵa ıe boldy.
«Aqjaıyq» sport klýby dırektorynyń mindetin atqarýshy Armat Meńdeshevtiń aıtýynsha, batysqazaqstandyqtardyń kapıtany Maksım Ótebalıev úzdik oıynshy atandy.
Aıta keteıik, Petropavl qalasynda týyp-ósken ataqty hokkeıshi ári Qazaqstannyń jáne KSRO-nyń eńbek sińirgen jattyqtyrýshysy Qazbek Baıbolov kezinde Edýard Aırıhpen birge Almatynyń «Dınamo» komandasyn baptap, odaqtyń jeńimpazy atanyp qana qoımaı, Eýropa chempıondarynyń kýbogyn da jeńip alǵany belgili.
Qazirgi kezde Qazaqstandaǵy jalǵyz kásibı klýb - Oraldyń «Aqjaıyǵy» joǵary lıga komandalary arasynda búkilreseılik jarystyń ekinshi tobynda synǵa túsip keledi. Buǵan deıingi syrt aıdyndaǵy alty kezdesýinde utylyp qalǵan batysqazaqstandyqtar kelesi oıyndaryn 23-24 jeltoqsanda Oralda «Dınamo-Qazan-2» (Qazan) komandasymen ótkizedi.
Aldaǵy jyly dopty hokkeıden Qazaqstan quramasy Reseıdiń Krasnoıarsk qalasynda ótetin HHІH Dúnıejúzilik qysqy ýnıversıadaǵa qatysady. Oǵan tastúıin daıyndyqpen barý úshin mundaı jarystardyń mańyzy zor.
