Petropavlda demalys ornyna barǵan atasy men jıeni sýǵa ketti
PETROPAVL. QazAqparat – Petropavldaǵy demalys oryndarynyń birine demalýǵa barǵan atasy men jıeni sýǵa ketip kóz jumdy, dep habarlaıdy QazAqparat tilshisi.
Solt.stik Qazaqstan oblysy Tótenshe jaǵdaı departamentiniń habarlaýynsha, oqıǵa keshe Petropavldyń mańyndaǵy Omby tas joly boıynda ornalasqan «Prostokvashına» demalys ornynda boldy. Demalýǵa kelgen atasy men jıeni sol jerdegi qoldan jasalǵan sý qoımasyna shomylmaq bolyp sýǵa batyp ketken.
Qutqarýshylardyń aıtýynsha, atalmysh sý qoımasy shomylý úshin arnaıy jabdyqtalmaǵan. Ári oqys oqıǵaǵa qaýipsizdik erejesin saqtamaý da sebepshi bolǵan.
Jedel-qutqarý otrıadynyń qyzmetkerleri qaza tapqandardyń denelerin ekinshi kúni tańerteń sýdan alyp shyqty.
