Petropavlda demalys kúnderi karantındik shekteý kúsheıtiledi
PETROPAVL. QazAqparat – Petropavlda karantın alynǵanǵa deıin ár demalys kúnderi karantındik shekteýler kúsheıtilip, turǵyndardyń beısaýat júrýine toqtaý salynady, dep habarlaıdy QazAqparat tilshisi.
Soltústik Qazaqstan oblysynyń Taýarlar men kórsetiletin qyzmetterdiń sapasy men qaýipsizdigin baqylaý departamenti baspasóz qyzmetiniń málimetinshe, jańa qaýly 18 shilde kúni saǵat 00.00 kúshine enedi.
Jańa qaýlyǵa sáıkes karantındik shekteý elimizde karantın alynǵanǵa deıin ár senbi-jeksenbi kúnderi kúsheıtiletin bolady.
ıAǵnı: 18 shilde saǵat 00.00-den 20 shilde saǵat 00.00-ge deıin;
25 shilde saǵat 00.00-den 27 shilde saǵat 00.00-ge deıin;
1 tamyz saǵat 00.00-den 3 tamyz saǵat 00.00-ge deıin.
Bul kúnderi Petropavlda arnaıy keste boıynsha saıajaıǵa baratyn avtobýstardan basqa barlyq qoǵamdyq kólik toqtaıdy.
Sanıtarlyq dárigerler týǵan-týys, kórshi-qolańǵa qydyryp barýdy shektep, otbasylyq is-sharalardy ótkizýge tyıym saldy. Úıden tek kóshege jaqyn mańdaǵy dúkenge jáne emhanaǵa barý úshin jáne úı janýarlaryn serýendetýge ǵana shyǵýǵa bolady.
Al tumaý belgileri baıqalǵan jaǵdaıda mindetti túrde jedel járdem qyzmetine júginý kerek.
