Petropavlda dekoratsııa basyp qalǵan qyz aýyr jaǵdaıda jatyr
PETROPAVL. QazAqparat - Petropavl qalasyndaǵy №3 aýrýhanasy bas dárigeriniń orynbasary Rýslan Tasov keshe ústine kórneki arka qulaǵan qyzdyń jaǵdaıy týraly aıtty, dep habarlaıdy QazAqparat tilshisi.
«Qyz esin jıǵan. Jýyq arada konservatıvtik em jasalady. Mundaı jaraqat uzaq ýaqyt emdeý jáne ońaltý kýrsyn qajet etedi. Astanalyq mamandarmen aqyldasyp, sodan soń ota jasaý týraly sheshim qabyldaımyz», - deıdi R. Tasov.
Onyń sózine qaraǵanda, 1995 jyly týǵan qyzdyń jaǵdaıy aýyr bolǵanmen, turaqty, ómirine qaýip tónip turǵan joq.
Qyz bir aıǵa deıin aýrýhanada bolady.
Konstrýktsııanyń qulaýyna kúshti jel sebep bolýy múmkin. «Merekelik konstrýktsııalar beton bloktarymen nyǵaıtylǵanyna qaramastan, 19 naýryz kúni 12:01-de Qazaqstan Konstıtýtsııasy kóshesindegi kórneki arka sol mańnan ótip jatqan qyzdyń ústine qulady. Jábirlenýshi jedel aýrýhanaǵa jetkizilgen. Merdiger uıym basqa konstrýktsııalar qulamas úshin qosymsha sharalar qarastyryp jatyr», - deıdi Petropavl ákimdiginiń baspasóz qyzmetiniń ókilderi.
Eske sala keteıik, keshe, 19 naýryz kúni Petropavl ortalyǵynda merekege arnalyp qurylǵan dekoratsııa jas qyzdyń ústine qulap, jedel aýrýhanaǵa jetkizilgen bolatyn.
