Petropavlda daýyl saldarynan saıajaıdaǵy órtti sóndirý múmkin bolmaı otyr
PETROPAVL. QazAqparat - Petropavl mańyndaǵy «Raketa» saıajaı kooperatıvi órtenip jatyr, alaıda daýyl órt sóndirýshilerge jalyndy aýyzdyqtaýǵa múmkindik berer emes, dep habarlaıdy QazAqparat tilshisi.
SQO TJD baspasóz qyzmetiniń habarlaýynsha, saıajaı kooperatıvinde kepken shóptiń janyp jatqandyǵy jaıynda habar arnaıy qyzmetke túski 13:14 mın kep túsken. Oqys oqıǵa ornyna Petropavldaǵy № 2 jáne № 3 mamandandyrylǵan órt sóndirý bólimderi jumyldyryldy.
Mamandardyń aıtýynsha, órtti sóndirýde daýyl kedergi keltirýde. Jeldiń kúshi - sekýndyna 21 metr. Saǵat 14:05-te shaqyrtýdyń úshinshi nómiri jarııalandy. Tótenshe oqıǵa ornyna Petropavl qalasy órtke qarsy qyzmeti garnızonynyń barlyq kúshi jiberildi. Qazir 13 tehnıka jumys istep jatyr.
«Órt saldarynan 5 saıajaı ýchaskesi janyp ketti. Qaza tapqandar men zardap shekkender joq» delingen baspasóz qyzmetiniń habarlamasynda.
Illıýstratsııalyq foto
