Petropavlda dámhana órtendi
PETROPAVL. QazAqparat – Petropavlda «Lana» dámhanasy órtenip, órt sóndirýshiler 1,5 saǵat boıy jalynmen arpalysty, dep habarlaıdy QazAqparat tilshisi.
SQO Tótenshe jaǵdaılar departamenti baspasóz qyzmetiniń habarlaýynsha, Petropavldaǵy «Lana» dámhanasynda órt shyqqany týraly habar tańǵy saǵat 05.27-de túsken. Oqıǵa ornyna órt sóndirýshiler jetkende ǵımarat otqa oranyp úlgergen eken.
Mamandar órtti 07.04-te tolyq aýyzdyqtady. Ǵımarattyń 120 sharshy metrine aıtarlyqtaı zaqym kelip, shatyry, tóbesi men qabyrǵalary búlindi.
Qazirgi ýaqytta kelgen shyǵyn mólsheri men órttiń shyǵý sebebi anyqtalyp jatyr.
«Lana» dámhanasy Qojabergen jyraý, 1 mekenjaıy boıynsha qalaǵa kire beriste, jol boıynda ornalasqan.
