Petropavlda daǵdarys ortalyǵy ashyldy
PETROPAVL. KAZINFORM — Elý orynǵa shaqtalǵan daǵdarys ortalyǵy turmystyq zorlyq-zombylyq qurbandaryna arnalǵan.
Ortalyqta áıelder balalarymen birge ýaqytsha turyp, mamandardyń kómegin ala alady. Nysan óńirlik qoldaý júıesine endi.
Petropavl qalalyq ákimdiginiń málimetinshe, bul jerde áıelderge áleýmettik, zańgerlik jáne psıhologııalyq kómek kórsetiledi.
Osy maqsatta arnaıy kabınetter jabdyqtalǵan. Sondaı-aq, áleýmettik pedagog, balalar tárbıeshisi jáne medıtsına qyzmetkeri de bar. Balalar úshin oıyn alańy men oqýǵa arnalǵan oryn qarastyrylǵan. Sondaı-aq ashana, demalys jáne bos ýaqytty ótkizý aımaqtary bar. Bul jerde jarty jylǵa deıin ýaqytsha turýǵa múmkindik bar.
— Biz turmystyq zorlyq-zombylyqqa tap bolǵan áıelderdiń janaıqaıyn estip, olar úshin qaýipsiz oryn daıyndadyq. Ortalyqta bilikti kómek alady. Qala turǵyndary ǵana emes, óńirdiń kez kelgen aýdanynan áıelder júgine alady, — dedi Petropavl qalasy ákiminiń orynbasary
Ortalyqty qurýǵa jergilikti bıýdjetten shamamen 172 mln teńge jumsaldy. Mamandardyń aıtýynsha, qyzmet alýshylardyń qaýipsizdigi maqsatynda ortalyqtyń mekenjaıy jarııalanbaıdy.Kómek qajet bolǵan jaǵdaıda 102 nemese 111 nómirlerine habarlasýǵa bolady.
Buǵan deıin Shymkentte polıtsııaǵa turmystyq zorlyq-zombylyq boıynsha 4 myńnan astam shaǵym túskenin jazǵan edik.
