Petropavlda byltyr qulaǵan JEO murjasynyń ornyna jańasy salynyp jatyr
«Sevkazenergo» AQ baspasóz qyzmetiniń málimetinshe, merdigerlik uıym ár túrli ólshemdegi 200 jaqtaýdy ornatty, oǵan joǵarǵy jáne tómengi armatýra bekitilgen.
Qazir mamandar bolashaq gaz joldaryn jabý jolynda baǵanaly irgetastardy nyǵaıtýmen aınalysyp jatyr.
Montajdaý jumystary aıaqtalǵan sátte armatýranyń ushtary shyǵarylady, qalyp ornatylady jáne birinshi «stakan» — murjanyń dóńgelek negizi ornatylady.
«Іrgetastyń negizin ornatý úshin shamamen 156 tonna metall qajet boldy. Búkil qurylym nóldik belgi bolyp sanalady – osydan jańa murja kóteriledi. Jaqyn arada irgetastyń metall «qańqasy» tolyǵymen betonmen bekitiledi, ony úzdiksiz quıý josparlanǵan», - deıdi baspasóz qyzmetindegiler.
Mamandardyń aıtýynsha, jobaǵa sáıkes, tútin murjasy konýs tárizdi bolady, dıametri - negizde 20,52 metr, shyńynda 9,2 metr jáne 180 metrge kóteriledi.
Jumysty Petropavl qalasynyń «Stroı tsentr Arsenal» JShS merdigerlik uıymy atqaryp jatyr.
Ol aıdyń sońyna deıin irgetasyn tolyq daıyndaýy kerek, al maýsym aıynyń basynan bastap «Qazteplospetsstroı» JShS jyljymaly qalyptardy montajdaýdy jáne tútin murjasyn salýdy bastaıdy.
Bıyl temirbeton bóshkesin tolyǵymen salý josparlanǵan, al N1 tútin murjasy tek kelesi jyldyń jazynda iske qosylady.
Petropavldaǵy 2-inshi jylý elektr ortalyǵynda aldymen, jartylaı qulap, keıin tolyq buzylǵan tútin murjasynyń ornyna jańasy salynady.
Nysannyń irgetasynyń qurylysy sáýir aıynda bastaldy.
Esterińizge salaıyq, byltyr 20 naýryz kúni saǵat 19.20-da Petropavldaǵy jylý elektr ortalyǵynda tútin murjasy jartylaı qulap, saldarynan 5-inshi qazandyq agregatyn toqtatýǵa týra kelgen edi.
Úıindi astynda qalǵan áıeldiń denesi ekinshi kúni ǵana tabyldy.
Arnaıy saraptamadan keıin tútin murjasyn tolyq buzý jóninde sheshim qabyldandy.
Keıin Petropavl ákimi №1 tútin murjasynyń qurylysy bastalatynyn aıtty.
