Petropavlda býkmekerlik keńseden mıllıon teńge urlandy
ASTANA. QazAqparat - Petropavldyq polıtseıler úsh kúndik tynymsyz izdeý jumystarynan keıin býkmekerlik keńsege shabýyl jasaǵan adamdardy qolǵa túsirdi, dep habarlaıdy QazAqparat ІІD baspasóz qyzmetine silteme jasap.
Vedostvonyń habarlaýynsha, 16 jeltoqsan kúni tańerteń qalalyq ІІB-ne Petropavl qalasynyń Beıbitshilik kóshesiniń boıyndaǵy býkmekerlik keńsege qaraqshylyq shabýyl jasalǵany týraly habarlama kelip túsken. Belgisiz bireý medıtsınalyq betperde kıip kelip, keńseden 1 mıllıon 248 myń teńge alyp ketken.
«Shabýyl jasaǵan adam óte shapshań áreket etkendikten, keńse qyzmetkerleri qylmystyń tolyq mán-jaıyn ańǵarmaı qalǵan. Buǵan deıingi aqparattardy saraptap otyryp, polıtseıler qylmystyń betin ashý úshin úlken jumys atqardy. Beınebaqylaý kamerasy arqyly onyń keıbir áreketterin zertteýge múmkindik týdy. Aqyry, kúdikti qolǵa tústi. Ol qala shetindegi aýdandardyń birinde turatyn, jumyssyz 23 jastaǵy jas jigit bolyp shyqty», - delingen habarlamada.
Kúdiktiniń ústinen QR QK 192-baby 3-bóligi boıynsha (qaraqshylyq shabýyl) sotqa deıingi tergeý amaldary bastaldy. Kúdikti ýaqytsha oqshaýlaǵyshqa qamaldy.
