Petropavlda buǵan deıin izdeý jarııalanǵan 19 jastaǵy jigittiń denesi tabyldy
Petropavlda týǵan-týystary izdeý jarııalaǵan 19 jastaǵy jigittiń denesi tabyldy. Oqıǵanyń mán-jaıy anyqtalyp jatyr, dep habarlaıdy Kazinform agenttigi.
Soltústik Qazaqstan oblysy Polıtsııa departamenti baspasóz qyzmetiniń málimetinshe, 9 qazan kúni saǵat 17:08 mınýt ketkende Petropavl qalalyq polıtsııa basqarmasynyń «102» pýltine er adamnyń múrdesi tabylǵany týraly habar túsken. Telefon soqqan adam deneniń Qazaqstan Konstıtýtsııasy kóshesinde ornalasqan ǵımarattan alys emes jerde jatqanyn aıtqan.
Ol oblys ortalyǵynyń 19 jastaǵy turǵyny bolyp shyqty. 9 qazan kúni týystary polıtsııaǵa júginip, jigittiń iz-túzsiz joǵalǵanyn aıtyp, izdeý jarııalaǵan.
Qazir oqıǵa ornynda jedel-tergeý toby jumys istep jatyr. Polıtsııa qyzmetkerleri oqıǵanyń mán-jaıyn anyqtap jatyr.
Buǵan deıin SQO-da týǵan qyzy men ulyn úsh jyldan artyq ýaqyt boıy zorlap kelgen er adamǵa sot úkimi shyqqanyn aıtqan edik.
Qylmystyq is sotta jabyq qaraldy. Sottalǵan M.Jumabaev aýdanynyń turǵyny, Ózbekstan azamatynyń kinási tolyq dáleldengenimen, sottalýshy aıyptaýmen kelispeı, aqtaýdy surady. Er adam qalǵan ómirin temir tordyń ar jaǵynda ótkizetin bolady.
