Petropavlda bir otbasyn óltirgenderge qatysty sot jańa úkim shyǵardy

PETROPAVL. KAZINFORM — Petropavlda erli-zaıypty men olardyń 17 jastaǵy ulyn óltirgen úsh azamatqa qatysty jaza qatańdatyldy.

Soltústik Qazaqstan oblystyq sotynyń apellıatsııalyq satysy sottalǵandardyń, jábirlenýshiniń apellıatsııalyq shaǵymdary jáne prokýrordyń ótinishi boıynsha Prıhodchenkolar otbasyn óltirýge qatysty qylmystyq isti qarady.

Esterińizge salaıyq, oqıǵa 2023 jyly jeltoqsan aıynyń sońynda bolǵan edi. Emelıanov pen Orlov aldyn ala josparlap, jerleý rásimderimen aınalysatyn kásipker Vadım Prıhodchenko men áıeli ıÝlııa jáne olardyń kámeletke tolmaǵan balasy ıÝrııdi óltirip, úılerin tonap ketken edi.

Olardyń sybaılasy Skorobogatova otbasyny óltirgenin bilgenimen, bul týraly quqyq qorǵaý organdaryna habarlamaǵan. SQO qylmystyq ister jónindegi mamandandyrylǵan aýdanaralyq soty kelesideı úkim shyǵardy.

Emelıanovty ómir boıyna bas bostandyǵynan aıyryp, jazasyn qylmystyq atqarý júıesiniń tótenshe qaýipsizdik mekemesinde óteýge; Orlovty 21 jyl 8 aıǵa bas bostandyǵynan aıyryp, QAJ orta qaýipsizdik mekemesinde jazasyn óteýge; Skorobogatovany 3 jylǵa bas bostandyǵynan aıyryp, QAJ ortasha qaýipsizdik mekemesinde jazasyn óteýge úkim shyǵardy.

Alaıda, Prıhodchenkolardyń qyzy Tatıana bul jaza tym jeńil dep eseptep, áleýmettik jelide qoǵamnan jáne quqyq qorǵaý organdarynan ádildik surady. 

SQO sotynyń qylmystyq ister jónindegi apellıatsııalyq alqasy sottyń alǵashqy úkimin ózgertti.

— Emelıanovtyń jazasy sol kúıinde qaldy, Orlov jazasyn 23 jyl ótese, Skorobogatovanyń bas bostandyǵynan aıyrý merzimi 4 jylǵa deıin uzartyldy, — delingen habarlamada.

Sot sheshimi zańdy kúshine endi.

Buǵan deıin SQO-da eki aı ishinde 160-qa jýyq adam janýarlardan zardap shekkenin jazǵan edik.