Petropavlda boıjetken bir tal temeki shegip, jansaqtaý bólimine tústi
PETROPAVL. KAZINFORM – Petropavldaǵy emdeý mekemesine aýyr jaǵdaıda jetkizilgen boıjetken kósheden tapqan temekini shekken eken.
Petropavl qalalyq kópbeıindi jedel medıtsınalyq járdem aýrýhanasynyń málimetinshe, jas qyzdyń denesi dirildep, basy aınalyp, qorqynysh sezimi artqan. Jaǵdaıy barǵan saıyn nasharlaǵan syrqatty dárigerler teksere kele, jansaqtaý bólimine jatqyzdy.
Mamandar boıjetkenniń esirtkiden ýlanǵanyn anyqtaǵan. Oǵan belgisiz zattardyń ýytty áseri, ıntoksıkatsııalyq sındrom jáne ortasha dárejedegi temir tapshylyǵy anemııasy dıagnozy qoıyldy.
Naýqas bir táýlik boıy jansaqtaý bóliminde dárigerlerdiń úzdiksiz baqylaýynda boldy. Keıin taǵy tórt kún terapııa bóliminde em qabyldady. Dárigerlerdiń der kezinde kórsetken kómeginiń arqasynda onyń jaǵdaıy turaqtalyp, úıine qanaǵattanarlyq kúıde shyǵaryldy.
Mamandardyń aıtýynsha, belgisiz nemese tyıym salynǵan zattardy qoldaný arqyly densaýlyq pen ómirge qaýip tónedi. Tipti bir rettik qoldanýdyń ózi aýyr ýlanýǵa, júrek pen tynys alý júıesiniń buzylýyna, úreı men baǵdar men baqylaýdy joǵaltýǵa jáne ómirge qaýip tóndiretin jaǵdaılarǵa ákelýi múmkin. Óıtkeni mundaı zattardyń quramyn eshkim naqty bilmeıdi jáne aǵzanyń oǵan qalaı áser etetinin boljaý múmkin emes.
Buǵan deıin densaýlyqqa qaýipti jaǵdaılardy kórsetetin karta iske qosylǵanyn jazǵan edik.
