Petropavlda bótenniń múlkin urlaý faktileri artyp otyr - ІІB
PETROPAVL. 17 sáýir. QazAqparat - Petropavldyń Іshki ister basqarmasynda bólimsheniń aǵymdaǵy jyldyń birinshi toqsanyndaǵy jedel-qyzmettik jumysyn qorytyndylaýǵa arnalǵan keńes ótti.
Qalalyq ІІB-nyń bastyǵy, polıtsııa polkovnıgi Vladımır Fedorıshın ІІB-niń ótken toqsandaǵy qyzmetiniń negizgi baǵyttary týraly aıta kele, qalada múliktik qylmystar áli de keń taralyp otyrǵandyǵyn atap ótti.
«Ásirese, bótenniń múlkin urlaý faktileriniń erekshe ósimi - 66,3 paıyzǵa, tirkelip otyr, sonyń ishinde azamattardyń páterlerin tonaý - 102,5 paıyzdy qurady. Sandyq kórsetkishte aıtsaq, ótken jyly 131 qylmys bolsa, bıyl - 188. Uıaly telefondardy urlaý 110 paıyzǵa artty», - dedi qalanyń bas polıtseıi.
Ákishilik polıtsııanyń qyzmeti týraly ІІB basshysynyń orynbasary, polıtsııa maıory Nurjan Qojaǵulov baıandady.
«Qylmystardyń sanyn azaıtý jáne olardyń aldyn alý maqsatynda ýchaskelik ınspektorlar jáne kámelettik jasqa tolmaǵandardyń isi boıynsha bólimsheniń qyzmetkerleri birqatar is-sharalar ótkizýde. Birinshi toqsannyń qorytyndysy boıynsha, qoǵamdyq jerlerde mas kúıinde júrgeni úshin 2497 adam ákimshilik jaýapkershilikke tartyldy», - dedi ol.
Túıtkildi máselelerdi atap ótken oblystyq ishki ister departamentiniń basshysy, polıtsııa polkovnıgi Murat Orymhanov, senip tapsyrylǵan ýchaskelerde jedel-qyzmettik jumystardy arttyrý usynysyn jasady.
