Petropavlda bos jatqan saıajaı ýchaskeleri tegin berilip jatyr
Petropavl qalalyq ákimdiginiń málimetinshe, oblys ortalyǵynda jer qatynastary bóliminiń mamandary baý-baqsha seriktestikteriniń tóraǵalarymen birge júıeli túrde jumys istep, bos jatqan jer ýchaskelerin anyqtap jatyr. Tek bıyldyń ózinde Petropavldaǵy «Vıshenka», «Lesovod», Legenda», «Borkı», «Romashka SK» jáne «Faza» saıajaı seriktestikterinde osyndaı ıesiz 644 ýchaskeni anyqtady. Olardyń barlyǵy esepke alyndy.
Bul jumystar 2019 jyldan beri júzege asyp keledi. Osydan eki jyl buryn 107 ýchaske anyqtalsa, byltyr ıesiz jyljymaıtyn múlik retinde 90 ýchaske tirkeldi.
«Buǵan deıin men qala mańynda baqsha egýdi saqtap qalý úshin barlyq ýchaskelerge túgendeý júrgizýdi tapsyrǵan bolatynmyn. Bıyl 644 jer ýchaskesi anyqtalyp, ıesiz jyljymaıtyn múlik retinde esepke qoıyldy. Qazirdiń ózinde qala turǵyndarynyń ıeligine baqshamen aınalysýǵa 285 ýchaske berildi. Barlyq rásimder tegin júrgiziletinin ekenin atap ótkim keledi», - deıdi Petropavl qalasynyń ákimi Bolat Jumabekov.
2019 jyly qalalyqtarǵa baý-baqsha seriktestikterinen 161, byltyr 164 jer ýchaskesi tegin úlestirildi.
Mamandardyń aıtýynsha, qazirgi ýaqytta Petropavlda saıjaı ýchaskeleriniń sany 47 myńnan asady. Iesiz jer ýchaskelerin anyqtaý jumystary aldaǵy jyldary jalǵasady.
