Petropavlda bopsalady degen kúdikpen 38 jastaǵy turǵyn ustaldy
PETROPAVL. QazAqparat - Petropavlda buryn isti bolǵan 38 jastaǵy turǵyn kásipkerlerdi bopsalady degen kúdikpen qamaýǵa alyndy, dep habarlaıdy QazAqparat tilshisi.
SQO polıtsııa departamenti baspasóz qyzmetiniń habarlaýynsha, petropavldyq kásipker ózin 38 jastaǵy turǵynnyń bopsalaǵany jóninde aryzdanǵan.
«Qala turǵyny áleýmettik jelige qoǵamdyq kóliktegi keleńsiz jaǵdaılardy túsirip, salyp otyrǵan. ıAǵnı, júrgizýshiniń temeki tartýy, salondaǵy bylyq - munyń bári keıin ınternetke júktelgen. Osylaısha jolaýshylardyń quqyǵyn qorǵap kelgen «bloger» keıin bopsalaýǵa kóshken. Zardap shegýshiniń aıtýynsha, ol baǵyttyq avtobýstardyń ıelerine belgili bir soma úshin óz raıynan qaıtyp, áshkereleıtin áreketterden bas tartamyn degen. Ár avtobýstan 200 myń teńge surapty», - deıdi tártip saqshylary.
Kásipkerlerdiń biri suraǵan aqshasyn kúdiktiniń esepshotyna aýdarǵan. Al ekinshi kásipker 286 myń teńgeni berip jatqan kezde bopsalaýshy qolǵa tústi.
«Petropavl qalasynyń 38 jastaǵy turǵyny buǵan deıin de múliktik jáne adamnyń jeke basyna qarsy qylmysy úshin birneshe ret sotty bolǵan. Bul fakti QR QK 194-babynyń 2-bólimi «Bopsalaý» boıynsha Sotqa deıingi tergep-tekserýdiń biryńǵaı tizilimine engizildi. Kúdikti qamaýǵa alyndy», - deıdi SQO PD Tergeý basqarmasynyń bastyǵy Qaırat Qasymbekov.
Qazir zardap shekkenderdiń sany men kelgen shyǵyn mólsheri anyqtalyp jatyr.
