Petropavlda bódeneniń jumyrtqasyndaı burshaq jaýdy
PETROPAVL. KAZINFORM – Petropavlda iri burshaq jaýyp, keı turǵynnyń kóligin zaqymdady.Petropavlda turǵyndar jaýǵan burshaqty áleýmettik jelige jarysa salyp jatyr.
Shamamen saǵat 16.00 kezinde bastalyp, birer mınýtqa sozylyp jaýǵan burshaqtyń úlkendigi qalanyń keı aýdandarynda bódeneniń jumyrtqasyndaı bolǵan. Keı júrgizýshiler kóliginiń aldyńǵy áınegin jaryp jibergenin aıtyp shaǵymdanyp jatyr.
«Qazgıdromet» RMK Soltústik Qazaqstan oblystyq fılıaly buǵan deıin aýa raıynyń buzylatyndyǵyn aıtyp daýyldy eskertý jarııalady. Máselen erteń 29 sáýir kúni qar aralas jańbyr, keı jerlerde taǵy burshaq jaýmaq. Aýa temperatýrasy kúrt tómendep, túnde jáne kúndiz 4-6 gradýs aralyǵynda bolady dep boljanǵan.
Buǵan deıin 100-den astam sarbaz SQO-daǵy bógetti bekitip jatqanyn jazǵan edik.