Petropavlda bıyl áleýmettik osal topqa jatatyn 600 otbasy baspanaly bolady

PETROPAVL. QazAqparat – Petropavlda bıyl 20 kóp qabatty turǵyn úı paıdalanýǵa beriledi. Nátıjesinde 2 myńnan astam otbasy qonys toıyn toılamaq, dep habarlaıdy QazAqparat tilshisi.

Petropavl qalalyq ákimdiginiń málimetinshe, Petropavlda negizinen «Jas órken», «Ortalyq», «Bereke» jáne «Kopaı» shaǵyn aýdandarynda qurylys qarqyn alǵan. Qazir 18 nesıelik úı salynyp jatyr, bıýdjettik 6 úı qoldanysqa berilýge ázir, búginde aınalasyn abattandyrý isi ǵana qalǵan. «Bereke» shaǵyn aıdanynda boı kótergen bul úıler áleýmettik osal topqa jatatyn 600 otbasyǵa berilmek.

«Oblys ortalyǵynda kommertsııalyq baspanaǵa da suranys bar. Jekemenshik kompanııalar bıyl 29 kópqabatty úıdiń qurylysyn josparlasa, sonyń segizi paıdalanýǵa berildi.

Jalpy bıyl 20 kópqabatty – 6 bıýdjettik jáne 14 kommertsııalyq úıdiń qurylysy aıaqtalady. Nátıjesinde 2 myńnan astam otbasy baspanaly bolady», - deıdi Petropavl ákimi Serik Muhamedıev.

Jeke turǵyn úı qurylysyn júrgizý úshin Petropavlda 2021 jyly 160, byltyr 15 adamǵa jer ýchaskesi berilgen.

«Jeke turǵyn úıge ýchaskelerdi berý úshin «Solnechnyı-2» jáne «ıÝjnyı» shaǵyn aýdandarynda ınfraqurylym salynyp jatyr. Osy kúni «Solnechnyı-2» eldi mekeninde 68,2 km sý jelisi jáne 102,5 elektr jelisi tartyldy, 60 km jýyq jol salyndy.

«ıÝjnyı» shaǵyn aýdanynda 43,5 km sý jelisi tartylyp, 34,3 km jol salyndy. Qazir elektr baǵandary ornatylyp jatyr. Bul aýdanda 32 km jeli tartylyp, 12 elektr stantsııasy ornatylady. Joba keler jyly aıaqtalady», - deıdi Serik Muhamedıev.