Petropavlda bıyl 28 kópqabatty úı paıdalanýǵa berilmek
PETROPAVL. QazAqparat – Petropavlda bıyl bıýdjettik - 18 jáne kommertsııalyq 10 kópqabatty turǵyn úıdiń qurylysy aıaqtalady, dep habarlaıdy QazAqparat tilshisi.
Petropavl qalasynyń ákimi Bolat Jumabekovtiń aıtýynsha, qazir oblys ortalyǵynda 2875 páterlik 28 bıýdjettik turǵyn úıdiń jáne 1103 páterlik 17 kommertsııalyq baspananyń qurylysy júrip jatyr. Bıyl onyń 28-i salynyp bitedi.
«Bıyl paıdalanýǵa beriletin kópqabatty úılerdiń 5-ýi kommýnaldyq-jalǵa beriletin, 13-i nesıege beriletin jáne 10 kommertsııalyq baspana. Barlyǵy – 2 myńnan astam páter. Bul ótken jylmen salystyrǵanda 13 %-ǵa artyq.
Petropavldaǵy 12 qabatty 198 páterli úı boıynsha másele sheshilgen joq.
«Sevınstalkom» JShS-men kelisimshartty buzý maqsatynda sottasyp jatyrmyz», - deıdi qala ákimi.
Jeke turǵyn úı qurylysyn arnalǵan Solnechnyı kentinde jáne ıÝjnyı yqshamaýdanynda ınjenerlik jeli tartylyp jatyr. Bul maqsatqa respýblıkalyq bıýdjetten qarajat bólingen.
«Solnechnyı kentinde bıýdjet esebinen bir páterli 211 turǵyn úı salynyp jatyr. Olar eki tıpti. Birinshisiniń baǵasy 8,4 mln teńge tursa, ekinshi tıpti úıler 10,7 mln teńgege baǵalanǵan. Birinshi tıpti 72 úı salynyp, satylyp ketti. Ekinshi tıpti 31 úı paıdalanýǵa berildi. Jalpy bıyl Solnechnyı kentinde 2090 jer ýchaskesine jáne ıÝjnyı yqshamaýdanynda 975 jer ýchaskesine ınjenerlik jeli tartylady», - deıdi Bolat Jumabekov.
