Petropavlda bıyl 1 mlrd 438 mln teńgege 20 shaqyrym jol jóndeý kórmek

PETROPAVL. QazAqparat - Dál qazir Aleksandr Stankevıchıýs tozyǵy jetken asfaltty qoparý ústinde. Onyń bul kólikti tizgindegenine 2 jyl bolypty. Ózdiginen júretin frezer mashınasynyń múmkindigi mol eken.

- Bul mashınanyń salmaǵy 16 tonna. Onyń kómegimen eski asfaltty kesip, úgitemiz. Keıin tehnologııa boıynsha jańa materıaldar qosylyp, jańa qyrtys tóseledi, dedi «Sý-808» JShS jumysshysy Aleksandr Stankevıchıýs.

Qalany Bereke aýdanymen baılanystyratyn Batyr Baıan kóshesi 10 jyl boıy jóndeý kórmegen. Osy kúnge deıin tas joldyń byt-shyty shyǵyp, oıylmaǵan jeri qalmaǵan. Keıingi kezderi bul kósheniń ábden tozýyna baılanysty kólikter sırek qatynaıtyn bolǵan. Endi mine aıta-aıta jaýyr bolǵan jol máselesi birtindep óz sheshimin tapqandaı. Bıyl 117,6 mln teńgege Batyr Baıan kóshesiniń 25 myń sharshy metri, ıaǵnı Abaı men Radışev kósheleriniń bóligi jóndelmek. Dál qazir qolaısyz aýa raıyna qaramastan jumystar jalǵasyp jatyr.

- Biz munda úshinshi kún resaıkileý ádisi arqyly ortasha jóndeý jumystaryn júrgizip jatyrmyz. Ýchastokta 8 birlik tehnıka jáne 15 qyzmetker eńbek etýde. Aldaǵy ýaqytta olardyń sany ulǵaıady. Barlyq jumysty bir aıdyń ishinde aıaqtaımyz dep josparlap otyrmyz, - dedi «Sý-808» JShS dırektorynyń orynbasary Alekseı Berejnoı.

Jalpy bıyl 1 mlrd 438 mln teńgege 20 shaqyrym jol jóndeý kórmek. Ol Vasılev, Egemen Qazaqstan syndy kósheler. Onyń sapasyn júrgizýshiler aldyǵy ýaqyttarda kóre jatady, dep habarlady mtrk.kz