Petropavlda birneshe yqshamaýdan bir táýlikten beri sýsyz otyr

PETROPAVL. QazAqparat – Petropavlda «Qyzyljar sý» JShS mamandary bir táýlikten asa ýaqyttan beri sý qubyryn jóndep jatyr, dep habarlaıdy QazAqparattyń menshikti tilshisi.

Qalanyń Turǵyn úı - kommýnaldyq sharýashylyq bóliminiń baspasóz qyzmetiniń habarlaýynsha, sý qubyryn tolyq tekserý kezinde qosymsha istelýi kerek jumystar bar ekeni anyqtaldy. Zaqymdalǵan jerdi jóndeý úshin kóbirek ýaqyt qajet boldy. Buǵan deıin, sýmen qamtý 03:00-ge deıin qalpyna keltiriledi dep josparlanǵan bolatyn.

«Sý jaqyn arada beriledi. 35 adam men 17 tehnıka jumys istep jatyr», - dedi baspasóz qyzmeti.

Ońtústik-shyǵystaǵy dıametri 800 mm sý qubyrynyń zaqymdalǵany 28 qańtar kúni tańerteń belgili boldy. Jumysshylar aýyly, «Bereke» yqshamaýdany men vokzal mańyndaǵy úıler sýsyz otyr.

Olesıa Jýkoven