Petropavlda bir jyl týystaryna habar bermegen er adamǵa izdeý jarııalandy
PETROPAVL. QazAqparat – Petropavlda eki aptadan beri 48 jastaǵy er adam tabylmaı jatyr. Odan týystarynyń habar úzgenine 1 jyl bolǵan, dep habarlaıdy QazAqparat tilshisi.
Volonterler shamamen eki apta buryn áleýmettik jelide Aleksandr Sergeevıch Smırnovqa izdeý jarııalady. Alaıda er adam áli kúnge tabylmaı jatyr. Petropavldyqty izdep, volonterlerge onyń týysy Galına Zenıýk habarlasqan eken. Aıtýynsha, ol byltyr qazan aıynda qaıyrymdylyq úıinen shyǵyp, belgisiz jaqqa ketken. Sodan beri habar úzilipti.
Aleksandr Smırnov 1973 jyly týǵan. Boıy 180 sm, sur kózdi, qysqa aq shashty. Mańdaıynda tyrtyǵy bar. Ózimen birge jeke kýáligi bolýy múmkin.
Sondaı-aq 1983 jyly týǵan Anna Pantıýhovaǵa da izdeý jarııalandy. Ol 2 qazan kúni saǵat 9.30-da Petropavldaǵy Jumysshy kenti, Klara Tsetkın kóshesindegi úıinen shyǵyp ketken.
Boıy 158 sm, qara shashty, sur kózdi, sol jaq qabaǵynda tyrtyǵy bar. Sol kúni ústinde qara kúrteshe, qara shalbar, qara rezeńke etik, qolynda qońyr áıelder sómkesi bolǵan.
Іzdeý jarııalanǵan adamdar jaıynda qandaı da bir málimet bolyp jatsa 8 777 307 99 65, 7 926 626 64 33 nemese 102 telefon nómirlerine habarlasýǵa bolady.
