Petropavlda bir uıymnyń eki ǵımaraty órtendi
PETROPAVL. QazAqparat - Petropavlda bir kompanııanyń eki nysanynan órt shyqty, dep habarlaıdy QazAqparat tilshisi.
Tótenshe jaǵdaılar departamenti baspasóz qyzmetiniń aqparaty boıynsha, keshkisin broılerlik fabrıka tsehtarynyń biriniń shatyry órtengen.
Órtti 23:44-te aýyzdyqtap, kelesi táýlikte 00:25-te tolyqtaı sóndirgen.
Tsehtyń shatyry men nysannyń birneshe qosalqy úı-jaıyndaǵy múlikter zaqymdanǵan.
Órt sóndirýshiler 36 tonna ónim saqtalyp turǵan qoıma órtiniń aldyn aldy. 2 salqyndatqysh qondyrǵy men kompressordy qutqarǵan.
«Kelesi kúni qalanyń basqa bóliginde ornalasqan osy zańdy tulǵaǵa tıesili qus kúrkesi janyp ketken. Órt sóndirýge jeke quramnyń 18 adamy men 7 arnaıy tehnıka tartyldy. Órt shatyrdyń 20 sharshy metr aǵash toryn ǵana zaqymdaǵan», - dedi baspasóz qyzmeti.
Órttiń shyǵý sebebi men zalaly anyqtalyp jatyr.
