Petropavlda beınekameralardyń kómegimen 18 qylmys ashyldy
PETROPAVL. QazAqparat – Petropavlda jedel basqarý ortalyǵynyń beınekameralary arqasynda 18 qylmys ashylyp, 1,5 myńnan astam ákimshilik quqyq buzýshylyq anyqtaldy, dep habarlaıdy QazAqparat tilshisi.
Soltústik Qazaqstan oblysy polıtsııa departamenti baspasóz
qyzmetiniń málimetinshe, «102» arnasyna Petropavldyń 57 jastaǵy turǵyny habarlasyp, Hımenko kóshesi boıynda ornalasqan garajynan qural- saımandar men 500 myń teńgeniń avtoqosalqy bólshekteri urlanǵanyn aıtqan.
Tártip saqshylary jedel basqarý ortalyǵynyń beınebaqylaý kameralarynyń jazbalaryn zerdeleıdi. Olardyń nazaryna garajdar mańynda júrgen kúdikti «GAZel» avtokóligi túsedi.
Kóliktiń ıesi habarlandyrýlar saıty arqyly tapsyrys qabyldap, zattardy garajdan metall qabyldaý pýnktine jetkizgenin aıtqan.
Jedel-izdestirý is-sharalary barysynda tapsyrys berýshiniń buryn birneshe ret sottalǵan 33 jastaǵy petropavldyq ekeni anyqtaldy. Atalǵan fakti «Urlyq» baby boıynsha Sotqa deıingi tergep-tekserýlerdiń biryńǵaı tizilimine engizildi. Kúdiktige qatysty kelý týraly mindetteme túrindegi májbúrleý sharasy qabyldandy. Urlanǵan zattyń bir bóligi alyndy.
«Jábirlenýshi zattarynyń joǵalǵan tek úsh kún ótkennen keıin ǵana bilgen. Kesh júginý qylmysty izin sýytpaı ashýǵa kedergi bolyp jatady.
Dese de syrtqy beınebaqylaý garaj qulpyn buzyp, urlyq jasaýǵan kúdiktini ustaýǵa kómektesti», - deıdi Petropavl qalalyq polıtsııa basqarmasy birinshi polıtsııa bóliminiń bastyǵy Tilegen Áljanov.
Tek qańtar aıynda ǵana jedel basqarý ortalyǵynyń beınebaqylaý operatorlary Petropavlda 1500-den astam ákimshilik quqyq buzýshylyqty tirkep, 18 qylmysty ashýǵa kómektesti.
