Petropavlda besinshi qabattan qulap ketken 4 jasar bala aýyr halde jatyr
PETROPAVL. QazAqparat – Petropavlda besinshi qabattaǵy páterdiń terezesinen qulap ketken balaǵa ota jasalǵanymen jaǵdaıy aýyr, dep habarlaıdy QazAqparat tilshisi.
24 qarasha kúni Petropavldaǵy Amangeldi kóshesi boıynda ornalasqan 5 qabatty turǵyn úıdiń 5-shi qabatynan 4 jasar bala qulap ketti.
Oqys oqıǵa bolǵan jerge qutqarýshylar men jedel járdem qyzmetiniń mamandary birden jetken. Ul bala jedel oblystyq balalar aýrýhanasyna jetkizildi.
Dárigerlerdiń aıtýynsha, besinshi qabattan qulaǵan búldirshinniń qol-aıaǵy synyqtan saý. Alaıda balanyń bassúıegi synyp, mı jaraqatyn alǵan. Medıtsına qyzmetkerleri oń boljam jasap otyr.
«Alǵashqy medıtsınalyq kómek der kezinde kórsetilgendikten, búldirshinniń aman qalýy ábden múmkin. Qazir jaǵdaıy óte aýyr, es-tússiz jatyr. Keshe aýrýhanaǵa ákelisimen birden basyna ota jasadyq. Qazir komada, jasandy jolmen tynys alyp jatyr. Balany shetelge nemese basqa qalaǵa alyp barýdyń qajeti joq. Bizdiń dárigerler qoldan kelgenshe tıisti sharalardy qoldanyp jatyr», - dedi SQO balalar aýrýhanasynyń bas dárigeri Oleg Zavıalov.
