Petropavlda bes jasar bala joǵarydan qulap ketti
PETROPAVL. KAZINFORM — Petropavlda búldirshin kópqabatty úıdiń ekinshi qabatyndaǵy terezeden qulap, aman qaldy.
Soltústik Qazaqstan oblysy densaýlyq saqtaý basqarmasy baspasóz qyzmetiniń málimetinshe, oqıǵa 8 tamyz kúni keshqurym bolǵan.
Saǵat 19:00 shamasynda bala jedel járdem brıgadasymen medıtsınalyq uıymǵa jetkizilip, aýrýhanaǵa jatqyzyldy.
Medıtsınalyq tekserý nátıjesinde dárigerlen balanyń jaǵdaıyn aýyr dep baǵalady. Búldirshin bas-mı jaraqatyn alǵan. Sondaı-aq, balanyń jambasy, oń jaq aıaq-qolynda kóptegen gematomalar men syrylǵan jaraqattar bar.
Oń jaq tize býyny men san aımaǵynda aýyrsyný baıqalyp, qozǵalysy shektelgen.
Mamandardyń aıtýynsha, qazirgi ýaqytta balanyń jaǵdaıy aýyr, biraq turaqty. Naýqasqa qajetti medıtsınalyq kómek kórsetilip jatyr.
Shilde aıynyń sońynda Petropavlda eki bala kópqabatty úıdiń terezesinen qulap ketkenin jazǵan edik.
