Petropavlda bes qabatty úıdegi órtten bir áıel adam qaza tapty
PETROPAVL. QazAqparat – Qutqarýshylar kelmeı turyp, kýágerler órtengen páterden 57 jastaǵy er adamdy alyp shyqqan, dep habarlaıdy QazAqparat tilshisi TJK-ǵa silteme jasap.
«24 qarasha kúni saǵat 23.14 kezinde Petropavl qalasynyń «101» nómirine Nazarbaev kóshesindegi bes qabatty úıden órt shyqqany týraly habar keldi. Oqıǵa ornyna órt sóndirýshiler jetken kezde úıdiń ekinshi qabatyndaǵy páter janyp jatqan. Órt sóndirýshilerdiń jedel qımylynyń arqasynda 25 adam, onyń ishinde 8 bala qaýipsiz jerge kóshirildi», - dep habarlaıdy departamentten.
Sonymen birge, avtobaspaldaqtyń kómegimen úshinshi qabattan taǵy eki bala qutqarylǵan.
«Órt sóndirýshiler saǵat 23.53-te 25 sharshy metr aýmaqty sharpyǵan jalyn aýyzdyqtaldy. Órt sóndirý qyzmeti kelmeı turyp, kýágerler 1962 jylǵy úı ıesin qutqaryp aldy. Ol ys tıip, aýrýhanaǵa jetkizildi. Órt shyqqan páterden 1974 jylǵy áıeldiń denesi tabyldy», - delingen habarlamada.
Kýágerlerdiń aıtýynsha, úı ıesi men onyń záıeli ishimdikke qumar bolǵan. Ázirge tilsiz jaýdyń sebebi anyqtalyp jatyr. Órtti sóndirýge jeke quramnan 13 adam men 5 arnaıy tehnıka jumyldyryldy.
