Petropavlda bes qabatty úı órtenip, 75 adam qutqaryldy
PETROPAVL. QazAqparat – Petropavlda bes qabatty turǵyn úı órtenip, 25 adamdy qutqarýǵa jáne 50 adamdy qaýipsiz jerge shyǵarýǵa týra keldi, dep habarlaıdy QazAqparat tilshisi.
SQO Tótenshe jaǵdaılar departamenti baspasóz qyzmetiniń málimetinshe, órt sóndirý qyzmetine saǵat 11.04-te Petropavldaǵy N.Nazarbaev kóshesi, 225 mekenjaıyndaǵy bes qabatty úıde órt shyqqandyǵy jóninde habar túsedi.
Oqıǵa ornyna jetken mamandar jalynnyń birinshi qabattaǵy páterden shyqqanyn anyqtaǵan. Úı kók tútinge oranyp úlgeripti.
Órt sóndirýshiler birden turǵyndardy qutqarýǵa kiristi. 25 adamdy avtosatynyń kómegimen shyǵarǵan mamandar, taǵy 50 adamdy baspaldaqpen qaýipsiz jerge evakýatsııalady.
Órtti sóndirýge 8 arnaıy tehnıka men jeke quramnan 30 adam jumyldyryldy. Nátıjesinde saǵat 11.57-de órt tolyq sóndirildi.
Qaza tapqandar men zardap shekkender joq, alaıda qutqarylǵan birneshe turǵynǵa TJD psıhologtarynyń kómegi qajet boldy.
