Petropavlda bes qabatty úı órtendi
PETROPAVL. QazAqparat – Petropavlda bes qabatty úıden órt shyǵyp, turǵyndar qaýipsiz jerge shyǵaryldy, dep habarlaıdy QazAqparat tilshisi.
SQO Tótenshe jaǵdaılar departamenti baspasóz qyzmetiniń habarlaýynsha, Petropavldaǵy N.Nazarbaev kóshesi, 109 mekenjaıyndaǵy bes qabatty úıden órttiń shyqqany jóninde habar «101» nómirine 12.33 mınýtta kep túsken.
Oqıǵa ornyna jetken órt sóndirýshiler besinshi qabattaǵy 2 bólmeli páterdiń jalyndap jatqanyn kóredi. Podezdiń joǵary qabatyndaǵy baspanalar qalyń tútinge oranyp úlgeripti. Órt sóndirýshiler jalynmen alysa júrip, 20 turǵyndy, sonyń ishinde 4 balany qaýipsiz jerge shyǵardy.
Mamandardyń aıtýynsha, órt jarty saǵatqa jeter-jetpes ýaqytta tolyqtaı sóndirildi. Kórshi páterler zardap shekken joq. Jalyndy aýyzdyqtaýǵa 3 arnaıy tehnıka men 16 adam jumyldyryldy.
Órttiń saldarynan as bólmesindegi jıhaz janyp ketti, sondaı-aq páter ystan zardap shekti. Qazirgi ýaqytta órttiń shyǵý sebebi jáne kelgen shyǵyn mólsheri anyqtalyp jatyr.
