Petropavlda beriletin ataýly áleýmettik kómek 276 mln teńgege jetedi
Bul jaıynda Petropavl qalasynyń qoǵamdyq keńesinde jumyspen qamtý jáne áleýmettik baǵdarlamalar bóliminiń bastyǵy Danııar Asylbekov málim etti. Oblys ortalyǵynda 4 jáne odan da kóp balasy bar 1 158 otbasy turady. Qazir ataýly áleýmettik kómekti tek 181 otbasy ǵana alady eken.
«Áleýmettik kómektiń osy túrin berý talaptarynyń ózgerýine baılanysty ony alýshylardyń sany aıtarlyqtaı artady. ıAǵnı ataýly áleýmetti kómekti 692 otbasy alatyn bolady. Osy maqsatqa respýblıkalyq qazynadan 276 mln teńge bólinbekshi», - deıdi Danııar Asylbekov.
Qujattar sáýirdiń birinen qabyldana bastaıdy. Bólim basshysynń aıtýynsha. qajetti málimet aqparattyq júıege engizilmegen jaǵdaıda ǵana jumyspen qamtý ortalyqtary qujattardy suratatyn bolady. Jumysty ońtaılandyrý maqsatynda elektrondy áleýmettik kartalar jasalady. Onyń ishine otbasynyń qajettiligin aıqyndaıtyn áleýmettik-turmystyq jaǵdaıy týraly málimet engiziledi.
Qoǵamdyq keńes múshelerin Petropavl qalasynda qansha kópbalaly otbasynyń baspana kezeginde turǵany qyzyqtyrdy. Mamandardyń aıtýynsha, qazirgi tańda 198 otbasy páterge muqtaj. Jalpy, oblys boıynsha 341 kópbalaly otbasyǵa baspana kerek.
Óńir basshysy Qumar Aqsaqalov buǵan deıin oblystaǵy baspanaǵa muqtaj kópbalaly otbasylardyń jartsynan kóbine bıyl baspana beriletindigi jóninde aıtqan bolatyn. Osy maqsatta Petropavl qalasynda 226 páterlik 3 turǵyn úı salynady.
