Petropavlda belgisiz suıyqtyq ishken eki adam qaıtys boldy
PETROPAVL. KAZINFORM – Belgisiz tunba ishken úsh er adam qatty ýlanyp qalǵan, úshinshisiniń de jaǵdaıy aýyr.
Petropavl qalalyq kópbeıindi aýrýhanaǵa úsh er adam demalys kúni jetkizildi. Týystarynyń aıtýynsha, olar túski as kezinde qaıda jasalǵany belgisiz tunba ishken.
Naýqastardyń barlyǵynda birdeı ýlaný belgileri bolǵan. Dárigerlerdiń aıtýynsha, emdeý mekemesine jetkizilgen kezde olardan entigý, syrtqy ortamen baılanystyń buzylýy baıqalǵan. Er adamdardyń biri qaıta-qaıta qusqan.
- Eki naýqas kóz jumdy: bireýi aýrýhanaǵa túsken kúni, ekinshisi úshinshi táýlikke qaraǵanda qaıtys boldy. Úshinshi er adamnyń jaǵdaıy óte aýyr, onyń ómiri úshin kúres toqtaǵan joq, - deıdi mamandar.
Dárigerler belgisiz suıyqtyqtar, tunbalar men qospalardyń adam densaýlyǵy men ómirine qaýipti zattardan turýy múmkin ekenin eskertedi.
- Eger siz sýsyndy nemese tunbany ózińiz daıyndasańyz, bul onyń qaýipsiz ekenin bildirmeıdi. Mólsheriniń durys saqtalmaýy nemese daıyndaý ádisinde ketken qatelik kútpegen aýyr saldarǵa ákep soqtyrýy múmkin, - deıdi mekeme qyzmetkerleri.
Sondyqtan mamandar quramy men shyǵý tegi belgisiz suıyqtyqtardy tutynbaýǵa, ýlanýdyń alǵashqy belgileri paıda bolǵan jaǵdaıda dereý 103 nemese 112 nómirine habarlasyp, jedel járdem shaqyrýǵa keńes beredi.
Bqǵan deıin Oqý-aǵartý mınıstrligi Almatyda oqýshylardyń jappaı ýlanýyna qatysty túsinikteme bergenin jazǵan edik.
